Бұл Бұлақ бар бұлақтың патшасындай

Жайнаған,   жадыраған  ән  сап  бүгін,

Орбұлақ  ордасы  емес  мәнсаптының.

Тарихтың қатпарынан  қаһарланған,

Қаны – бұл – қайнап  аққан  қанша аттының?

 

            Алтынға алмастырмас ат басындай,

            Бұл бұлақ бар бұлақтың патшасындай.

            Қашанғы қамал бұзар қас дұшпанға,

            Қазақтың ашылмаған қақпасындай!

Кез емес кем пішетін балаша ойлар,

Алдында күтеді оны тамаша айлар.

Осында шөл қандырып, мауқын басқан,

Елтінді, Көксерек пен Қарасайлар.

                Жадысыз жат жолменен озбас елі,

                Таптық қой талай іздеп зорға сені.

                Өзіңдей қамалдарым көп болғанда,

                Халқым да қазіргідей тозбас еді.

Орбұлақ басы болған бар таластың,

Сайында сайғақ болды қанша «қашқын?»

Үш жүздің ұлдарының тұғыры бұл,

Мақтаны, айта берсең алты Алаштың!

Әбен Дәуренбеков

Күнтізбе

« Желтоқсан 2018 »
Дс Сс Ср Бс Жм Сб Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

booked.net