Жылы шырайлы жүздесу
- Толығырақ
- Жарияланды 20.12.2017 08:23
- Автор: Super User
- Категория: Өңір тынысы
- Қаралды: 1826
Желтоқсанның 14-ші жұлдызы күні аудан әкімі Бердәулет Ешенұлы Абдулдаев әйгілі Желтоқсан оқиғасына қатысушылар: Панфилов аудандық «Жаркент өңірі» газетінің директор –бас редакторы Бағдат Айтмұқаева мен Сарыбел ауылының тұрғыны Ерік Шәймерденовті қабылдады.
Ұлы мекен-Тәуелсіздік күніне орай өткен бұл кездесуде Желтоқсан оқиғасына қатысушылар Бағдат Айтмұқаева мен Ерік Шәймерденов 1986 жылғы желтоқсан оқиғасының зұлматты күндері жайлы естеліктерін айтты.
Аудан әкімі Бердәулет Ешенұлы Желтоқсан оқиғасының ел тарихындағы елеулі тарих беттерінен саналатынын жеткізіп, ол күндердің өшпейтіндігін, жас ұрпаққа үлгі болатынын атап көрсетті. Бердәулет Ешенұлы Желтоқсан оқиғасына қатысушыларды мерейлі мерекемен құттықтап, оларға бағалы сыйлықтар мен алқызыл гүл шоқтарын табыс етті.