Аватни аватлаштуриватқан Ғәйрәтжан

 

Пәнжим йеза округиға қарашлиқ Ават билән Пәнжим йезисиниң арилиғи төрт чақиримчә. Улуқ Ипәк йоли бойидики бу жутниң тарихиму әшу көч-көчләр дәвридин баш­линиду. Или тәвәсидин көчүп чиққан әждатлиримиз чөл ятқан қақаслиқларни паналап, су чиқирип, бағу-бостанлиқларни бәрпа қилғанлиғи тарихтин мәлум.

 

Йәнә бир ейтмасқа болмайдиған гәп , коллективлаштуруш жилли­ри бу жутқа дөләт вә жәмийәт әрбаби Абдулла Розибақиев қәдәм тәшрип қилғанлиғи вә шу улуқ намайәндиниң пикир-тәкливи билән бу жут Ават дәп аталғанлиғини жут мөтивәрлиридин талай қетим аңлиған едим. Бу жут илгәрки Калинин намидики колхозниң бригадиси болған жиллири­му аватлиқлар әмгәкчанлиғини билән алаһидә пәриқләнди.    Кол­хоз-совхозлар тарқап кәткән жи­лириму улар тенәп- тәнтиригини йоқ. Колхоздин пай һесавиға өлчүк йәр елип, деханчилиқ билән шуғулланди. Һазир бу жутта йүздин ошуқ шәхсий де­хан егиликлири бар. Улар қутлуқ кәтминини ташлимай , ата кәспигә садақәтлик билән әмгәк етип, әждатлар ишиға варислиқ қиливатиду. Йезида буниңдин үч жил бурун йеңи заманивий мәктәп, икки жил муқәддәм бол­са йеңи фельдшерлиқ-акушерлиқ пункт селинип, пайдилинишқа берилгән еди. Өткән жили болса йезидики тижарәтчи жигитләрниң һамийлиғида йеңи мечитму өз иши­гини ачти. Йеқинда аватлиқларни хошаллиққа бөләп «Ниагара» ресторани ишқа қошулди. Ре­сторанни мошу жутниң оғлани Ғәйрәтжан Һаширов селип, падилинишқа бәрди.

Ғәйрәтжан Һашировниң мәблиғи билән селинған икки қәвәтлик ре­сторан сиртқи көрүниши биләнла әмәс, бәлки Улуқ Ипәк йолиниң бойиға селинғанлиғи биләнму һәр кимниң диққәт –етиварини жәлип қиливатиду. Ипәк йоли арқилиқ ХХЖға вә у әлдин бизгә , һәр күни «Қорғас» хәлиқ ара сода- орунлашқан.

                Ғәйрәтжан Һашировниң йеңи рестораниниң ишқа қошулуши мәрасимида дәсләп молут оқутулуп, дуниядин өткән әждатлири роһиға дуга тәгбир тилавәт қилғандин кейин Пәнжим йеза округиниң һакими Ербол Сқақов, наһийәниң Пәхрий гражданлири Әғзәм Мәрүпов , Ризайдин Әйсаев , Ғәйрәтжанниң устази Асийәм Тох­таева ,жигит беши Рәхмитуллам Савутов вә башқилар башқилар сөзгә чиқип,иш-паалийитигә муваппәқийәтләр тилиди. Жутдаш­лири тәдбирчанлиғиға сахавәтлиги ярашқан Ғәйрәтжанниң узун жиллардин бери деханчилиқ , бағвәнчилик саһасида ишләп қол йәткүзиватқан утуқлирини тилға алди. Мәнму өз новитидә тәкитлигүм келидуки, тәдбирчан жутдаш иним,әсли кәспи бойичә муәллим болсиму, деханчилиқ вә бағвәнчиликни тәрәққий әттүрүп, ишини йолға қойған тинимсиз әмгәк егиси. У өз ихтияридики 200 дин ошуқ гектар йәргә көмүқонақ, бедә өстүрүш билән 15 гектар йәргә алма-өрүк , шаптула тикип, пәрвиш қиливатиду. Ейтмақчи ахирқи жил­лири Ғәйрәтжан экологиялик таза алма ,шаптулидин рекордлуқ һосул яратти. Нәтижидә наһийә базар­лирида содиси дүң өтүп,чоң-чоң шәһәрләрдинму херидарлар келип дүң сетивелишқа башлиди. Чүнки у алма өстүрүштә америкилиқ мутәхәссисләрниң йеңи техно­логиясинии үгинип, уни өз жутида оңушлуқ пайдиланди.Алмиларни кәткәнлигини ейтти. Қишта бағда немә қилидиғанду?-дәп һәйран болдум. Немила болса беғиға барай дегән нийәттә кәлгинимдә һәқиқәтәнму Ғәйрәтжан алма-өрүкләрни көздин кәчүриветипту.Йенида бағвәнләрму биллә.Йеғиватқан қарға пәрваму қилмай улар өз ишлири билән бәнт. Өз ара қизғин сөһбәттә.

-Билсәң алмиларни путаш ишлири февраль ейиниң дәсләпки он күнидә башлини­ду. Андин улақ вә дорилаш .Биз шуниңға тәйярлиқ қиливатимиз. Һәр бир көчәт пәрвишкә муһтаж. Алмиларни путап, улап болғандин кейинла етизлиқтики ишлар башлиниду,- деди бағқа улишип ятқан етизлиғини көрситип. Мән алмизарлиққа қарап зоқландим. Рәт-рети билән чирайлиқ тикилгән бу бағда тирикчилик башланғандәк билинди. Мениң билән тәңла кәлгән деханларму етизлиққа оғут төкүш ишлириниң башлаш,техникиларни ремонтлаш ишлириниң аяқлашқанлиғинини хәвәрдар қилиш үчүн кәлгән екән.Мана шундақ 50 тин ошуқ адәмни иш билән тәминләватқан Ғәйрәтжан бу қетим ресторанға йәнә жутдашлирини тәклип қилди. Ишсиз бош жүргән аватлиқ қиз-жигитләр йоқниң орнида.Әнди униң дехан бағвән, шофер, трак­торист, комбайнер, сучилириниң қатариға ашпәз, официант, кули­нар вә шуниңға охшаш һәр хил кәсип егилири келип қошулди. Уларниң барлиғи дегидәк жут­дашлири.

Ғәйрәтжанниң хәйрихаһлиқ паалийити һәққидә тәкитләш керәкки, округта өтүватқан чарә-тәдбирләргә һамийлиқ қилиштин ташқири «Мәктәпкә йол» акциясидә оқуғучиларниң, Роза вә Қурван һейтлирида жут чоңлириниң һалидин хәвәр алидиған , қисқиси жиқилғанни йөләйдиған йәнә шу Ғәйрәтжан екәнлигини аватлиқлар яхши би­лиду. Шуңа йеқинда униң 50 яшлиқ тәвәллудида жутдашлири билән кәсипдашлири, дост-яранлири Ават жутини аватлаштуриватқан, тәдбирчанлиғиға сахавәтлиги ярашқан жут оғланиға йәнә бир қетим иллиқ тиләкләр ейтип, иш-паалийитигә утуқлар тилиди. Мәнму бу тиләкләргә қошулдум.

Адилжан ҒОЖӘМБӘРДИЕВ,

Пәнжим йезисиниң баш

жигитбеши.

 

 

 

 

 

Күнтізбе

« Сәуір 2018 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

booked.net