Талдықорғандықтар Жетісу өңірінің тарихи аңыздарын елге паш етпек


Елбасының «Болашаққа бағдар:рухани жаңғыру» мақаласы аясында Талдықорғанда «Ата аңыздары» атты Жетісу жерінің әсем табиғаты мен бірегей аңыздары видеоматериалға қамтылған жоба іске аспақ. Жоба авторы Медет Құрманов жобадан қандай нәтижелер күтілетінін айтты.

     «Жобаның идеясы мен мақсаты - тарихи мұраны сақтау және оны болашақ ұрпаққа таныстыру. Бұл халық аңыздарына негізделген қысқаметражды фильмдердің жиынтығы болмақ. Біз көптеген танымал, сондай-ақ белгілі емес аңыздарды табуға тырыстық және оларды қазіргі жас ұрпаққа көрсетуге тырысамыз. Жобаның презентациясы осыдан бір жыл бұрын Мемлекет басшысының «Рухани Жаңғыру» бағдарламасының жарияланған күніне сәйкес келіп отыр», - дейді М.Құрманов.

     Аталмыш қысқаметражды фильмді түсіру үшін облыстың 17 ауданы мен 3 қаласын аралады. Сонымен қатар, түсірілім тобы ақсақалдар мен ардагерлер кеңесімен жүздесіп, елде болған шынайы оқиғаларды жинады. Автордың ойына интернет, кітап сөрелерінен табылмайтын аңыздарды жинау идеясы осыдан 1 жыл бұрын келген екен. Алайда оны түсіру мен сараптау жұмыстары әлі күнге дейін жалғасып келеді.

     «Жоба келешек ұрпақтың тәрбиесіне тікелей әсер етеді. Өйткені, ақсақалдардың әңгімелері ата-бабаларымыздың тарихын, тұрмыс-тіршілігін бейнелейді. Сондай-ақ, бұл аңыздар арқылы Жетісу табиғаты бейнеленіп, ішкі туризмнің дамуына серпін береді. Яғни олар бірегей археологиялық ескерткіштердің сұлулығын тереңірек ашып, туризмге деген қызығушылықты арттырады», - деп қорытындылады М.Құрманов.

     Айта кету керек, жоба облыстық ішкі саясат басқармасының қолдауымен іске асып отыр.

 

 

 

 

 

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

booked.net