Елимниң шан-шөһрити Атана!

Елимиз мустәқиллигиниң рәмзи сүпитидә жигирмә  жилдин бу ян Астана дегән йүксәк уқумға егә болған  Қазақстан Жүмһурийитиниң пайтәхти  жилдин-жилға әң көркәм шәһәр қияпитиға кириватиду. 6-июль  әйнә шу яшнап гүлләватқан шәһәрниң  мәйрими –Астана күни. Бу күн биз үчүн алаһидә қиммәт вә әтивалиқ мәйрәмләрниң бири.  Әнди  буни елимизниң тунжа  Президенти Нурсултан Назарбаевниң сөзи билән ейтқанда: «Астананиң бәрпа болуши, униң қисқа лекин бай тарихи ,елимиз мустәқиллигиниң тарихи  билән чәмбәрчас бағлиқтур»:Әлвәттә щундақ.буниңға һеч ким көз жумалмайду.

 

     Мустәқил  елимизниң яш пайтәхти тоғрисида көп ейтилип,нурғун йезиливатиду.Шаир язғучиларниң мәдһийлигән Астанада  2017-жилниң   10-июнь күни  «ЭКСПО  -2017»көргәзмиси  тәнтәнилик рәвиштә ечилди .Униңға дунияниң 115 дөлити билән 20 хәлиқара тәшкилат қатнашти.  Демәк Астана елимизниң мустәқиллигини тәстиқләватиду. Астана келәчиги парлақ, гүлләп яшнаватқан барлиқ қазақстанлиқларни бирләштүриватқан ,шуниң билән бир қатарда  дайим алға интиливатқан, әң чирайлиқ шәһәргә айланмақта. Астана вәтинимизниң жүриги.Астана- хәлиқләрни бирләштүриватқан миллий  идеягә айланди. Елимиз пайтәхтини бир көрүш армини бар  һәр қандақ киши келип кетиши үчүн әң қолайлиқ шәһәр. Бу күнләрдә наһийәмиздинму көплигән жутдашлиримиз берип, униң әң чирайлиқ һәм достлуқ шәһири екәнлигигә мәптун болмақта.Астананиң 20 жиллиғиға наһийәдә иш чариләр режиси түзүлүп,уюштурулмақта. Болупму, оқуғучилар,  яшлар ,студентларниң  бу чариләргә қизғинлиғи ашмақта.

 Жүмлидин Билал Назим намидики уйғур оттура мәктивидә 5-11-синип оқуғучилири Астанани өз ижадийити билән рәсимлиридә күйлигән чарә болуп өтти. Тәкитләш керәкки, өткән жили елимиз пайтәхти Астанада өткән ЭКСПО көргәзмисигә берип қайтқан оқуғучилар Бәйтерек билән Течлиқ вә разимәнлик сарийини, «Жасыл ел» программмиси даирисидә қолға елинған «Йешил бәлбағни»  өз әсәрлиридә маһирлиқ билән тәсвирлигән. Мәктивимиздә  режиләнгән бу хилдики мәдәний аммивий чариләр жил ахириғичә давамлишиду.

Мукарәм  Яқупова,

Билал Назим намидики оттура мәктәпниң инглиз тили

пәни  муәллими .

Күнтізбе

« Тамыз 2018 »
Дс Сс Ср Бс Жм Сб Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

booked.net