Дуния етирап қилған рәһбәр

29.03.2019ж

Йеқинда Қазақстан  Жумһурийитиниң  Президенти  Нурсултан Назарбаев қазақстанлиқларға муражиәт елан  қилип өз  вакалитини сақит қилиш тоғрилиқ қарар қобул қилғанлиғини билдүрди.

     Бу һәммимиз үчүн  күтүлмигән вақиә болди.Чүнки  мустәқил елимизни 30 жил башқурған Тунжа Президент - Милләт Лидери  елимизни һәр хил синақлардин  сүрүндүрмәй елип чиқти.

      Оттуз жил аз вақит әмәс. Бу жиллар ичидә елимиздә қанчиму  өзгиришләр йеңилиқ болғанлиғи ениқ. Қазақстан ели дуния етирап қилған әлгә айланди. Барлиқ саһаларда илгириләшләр  йүз бәрди. Мустәқиллик алға дәсләпки жиллири  қийин болғанлиғини  һеч ким   инкар қилалмайду. Һә   әйнә шу қийинчилиқларни дөләт рәһбири  өзиниң тәшкилий қабилийити, дана рәһбәрлиги билән йенңип чиқти. Сүръәтлик тәрәққий етиш қолға елинип, елимиз тәрәққий әткән 30 әлниң қатариға кирди. Жүмлидин  елимиз Президенти  һәр жили қазақстанлиқларға йоллиған мәктүплиридә  жәмийитимизниң  тәрәққияти үчүн көрсәтмә- вәзипиләр елан қилинди Һә уни  әмәлгә  ашуруш  үчүн   көпмилләтлик қазақстанлиқлар бир яқидин баш, бир йәңдин қол чиқирип, достлуқта, бирликтә әмгәк қилип яшап кәлмәтә. Буниң һәммиси дөләт  рәһбириниң дана ички вә сиртқи сәяситиниң  арқисида әмәлгә  ашти.

            Елимизниң тунча  Президенти - көпмилләтлик қазақстанлиқларни бирләштүргән надир институтни  тәшкил қилип, өзи рәһбири болди. Қазақстан хәлқи Ассамблеясигә  дуния хәлқи қизиқиш   билән қарап, униңдин үлгә алди.  Мән  көпмилләтлик  тәвә хәлқиниң намидин ҚХА тәшкил қилинған күндин башлап   дәсләпки әзалириниң  бири  болуп, униң һәр бир сессиясиға  қатнишип,  дөләт рәһбири билән учришип ,униң  нутқини тиңшаш бәхтигә муйәссәр болғанмән.

     Әнди қисқа қәрәл ичидә  елимизниң  пайтәхти - Астана қәд көтәрди. Бүгүн Астанани  дуния етирап қилған яш шәһәр дәп баһалаймиз. Һәқиқәтәнму униң бой көтирип, күндин күнгә гүлләватқан яш пайтәхт болушида Нурсултан Назарбаевниң әмгиги алаһидә.

   Қазақстанниң  келәчиги  буниңдинму парлақ болуши  үчүн  мәхситмизни ениқлап, тәрәққият йоллирини ениқлап  маңидиған йолимизни ечип бәргән ,отуз жил әл башқурған Нурсултан Назарбаевқа  миннәтларлиғимиз  чәксиз.

 Реһимжан Тохтахунов

Панфилов наһийәсиниң

Пәхрий  граждани.

 

 

Күнтізбе

« Мамыр 2019 »
Дс Сс Ср Бс Жм Сб Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

booked.net