Ол күндердің өшпес даңқы

Жылдар жылжып, ай аунап, күндер тізбегі өткен сайын тарих жылнамасының беттері де өткен  шақпен тіл қата бастайды.

     Кеңестер Одағы  кезіндегі  Ауған соғысы да, оған қатысқан кеңес әскерилерінің  жанқиярлық ерліктері  де тарихқа айналып үлгерді.  Ол күндердің өшпес даңқы дейтініміз де содан. Ерлік ұмытылмайды. Ол әрқашан  да бүгінгі буын мен келер ұрпақтың еншісіне айналмақ.

    Кеше аудан әкімі Темірлан Бектасов пен аудандық Мәслихат хатшысы Ерғали Шоқпаров, Жаркент қаласының әкімі Ермек Нұрахметов бастаған ауған соғысы өкілдері Ұлы Отан соғысы құрбандарына арналған орталық алаңдағы ескерткішке тағзым етіп, алқызыл гүл шоқтарын қойды.