Маңызы үлкен бағдарлама

«Нұрлы жол» - еліміздің дамуына өте қажетті, маңызы зор бағдарламалардың бірі. Оның орындалуы – көлік және әлеуметтік инфрақұрылымды жақсартады, мыңдаған адам жұмыспен қамтылады, жолдардың сапасы жақсарып, жаңа бағыттар ашылады, жүк тасымалы артып, кәсіпкерлік  дами түседі.

      Алматы облысы, оның ішінде Панфилов ауданы  еліміздің көліктік логистикасын дамытудағы стратегиялық маңызды аймақ болып табылады.  «Нұрлы жол» мемлекеттік бағдарламасы аясындағы  Қазақстан мен Қытай шекарасында Алтынкөл станциясының ашылуы, Құрғақ порт, «Қорғас» ХШМСО  пайдалануға берілуі өңіріміздің көлік-логистикалық дамуында маңызды рөл атқарып отыр.