тәрәққият йөнилишлири әкис әткән

23.08.2019ж

Елимиз Президенти Нурсултан Назарбаевниң Қазақстан хәлқигә йоллиған бийилқи Мәктүби жәмийитимиз тәрәққиятиниң барлиқ саһалирини өз ичигә алған тарихий һөжжәт.

     Келәчәк егилири болған яшларға Президентимизниң давамлиқ ғәмхорлуқ қилип келиватқанлиғи һәммигә аян. Жүмлидин мәктәп оқуғучилириниң һәртәрәплимә оттура билим елиши үчүн йеңиланған мәзмунға көчүши, кәспий техникилиқ билим бериштә программиларни йеңилашниң лазимлиғи, алий билим бериш саһасида программиларни тәйярлашқа көпирәк һоқуқ берип,уларниң академиялик әркинлигини қанун турғусидин бәкитиш лазим екәнлигини атап көрсәтти.
    Мәктүптә: Милләтниң ихтидарини ашуруш үчүн мәдәнийитимиз билән идеологияимизни буниңдин кейинму тәрәққий әткүзишимиз керәк.
«Мәнивий йеңилинишниң маһийити нәқ мошуниңда.
    Өзиниң тарихини, тилини, мәдәнийитини өзләштүргән шундақла заманға лайиқ чәт тилини билидиған илғар, дуниявий көз қариши бар қазақстанлиқ бизниң жәмийитимизниң идеалиға айлиниши лазим,-дейилгән. Президентимизниң бийилқи Мәктүби пүткүл Қазақстан хәлқи тәрипидин қизғин қарши елинип, бу күнләрдә кәң хәлиқ аммиси арисида һаятийлиғи билән қоллап-қувәтләшкә егә болмақта. Бу жәһәттин бизниң Сәнъәт мәктиви муәллимлири Мәктүп билән йеқиндин тонушуп, униңда көрситилгән вәзипиләрни орунлаш йолида барлиқ имканийәтләрни сәпәрвәрликкә кәлтүрмәктә. Ундақ болғини биз наһийәдики келәчәк сәнъәткарларни тәйярлайдиған икки мәктәпниң бири. Мәктивимиздә 300 дин ошуқ өсмүрни заманға лайиқ һәртәрәплимә билимлик, мәдәнийәтлик әвлатларни тәрбийиләш бизниң зиммимизгә жүкләнгән. Шундақ екән наһийә мәктәплиридә оқуватқан 8 яштин башлап, сәнъәткә ишқи, қизиқиши бар шагиртлар мәктивимизгә келип, халиған пәни бойичә билим елиш ,маһаритини ашуруш үчүн барлиқ шараит яритилған. Қазақ, уйғур вә рус хәлиқлириниң саз әсваплирида саз ижра қилиш вә қол һүнәрвәнчилиги, тәсвирий сәнъәт билән хореография синиплирида тәһсил көрүватқан оқуғучилар маһаритини ашуруш үчүн бар күч-ғәйритимизни сәрип қилимиз.
Рәхмәтжан Һәмраев.
Сәнъәт мәктиви муәллими.

Күнтізбе

« Қыркүйек 2019 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

booked.net