Спорт инфрақурулуми тәрәққий әтмәктә

Тағ бағриға жайлашқан  Сарибәл йеза округиға қарашлиқ Садир йезисидики оттура мәктәптә спорт зали билән спорт мәйданчиси болуп, униң мәйдани тар еди.   Йеза яшлири  спорт билән шуғуллиниш үчүн йеза  сиртидики мәйданчиларда футбол тепип, ат спорти билән шуғуллинишқа мәжбур болувататти.

 

  Елимиз Президенти Нурсултан Назарбаевниң  Мәктүбидә атап көрситилгән  барлиқ дәрижидики һакимларға яш әвлат арисидики сағлам һаят тәризини қелиплаштуруш үчүн спорт мәйданчилири  билән спорт комплекслирини салдуруш вәзиписини тапшурулғандин бу ян  уни  әмәлгә ашуруш үчүн  наһийәдә бир қатар иш чариләр көрүлмәктә.    Әйнә шу спорт инфрақурулумини тәрәққий әттүрүш мәхситидә  өткән жили Садир йезисида  спорт  мәйданчисини селиш үчүн  мәхсус  йәр таллап елинип, қозуғи қеқилған  еди.  Йеқинда  униң қурулуш ишлири  аяқлишип, футбол мәйданчиси пайдилинишқа берилди.  Спорт мәйданчисиниң ечилиш  мәрасимида йеза округи һакими Мухтархан  Сарпек  сөзгә  чиқип:

   - Дөлитимиз рәһбириниң спорт инфрақурулумини  тәрәққий әттүрүш    вәзиписи  наһийәмиздә пәйдин-пәй әмәлгә ашурулмақта. Бүгүнки футбол мәйдани шуниң ярқин бир испати.  Яшлиримизниң бош вақтида  сағлам һаят тәризини  қелиплаштуруш үчүн әнди мәктәптики спорт залиғила, яки  кочилар дохмушлирида    әмәс, бәлки барлиқ жәһәттин қолайлиқ  , мәхсус  спорт  мәйданчисиға  келидиған болиду.  Мән яшларға  ишинимән. Бизниң йеза округи яшлириниң наһийәлик спорт мусабиқиларға  қатнишип,  алдинқи сәптә   көрүниватқанлиғиниму  билимән. Әнди  спорт десә ичиватқан  чейини ташлап келидиған  яшлиримизниң   вилайәтилик,  жумһурийәтлик  турнир,  мусабиқиларға қатнишиши  үчүн  тәвлүкниң қайсила вақтида келип  мәшиқлиниши  үчүн шараит бар, ишиги  очуқ ,- деди. Шуниңдин кейин Садир  оттура  мәктивиниң мудири  Рахметолла Қорғасбеков,  спортсөйәр  яшлар намидин  Рафик Хәлилов   вә башқилар   жутдашлирини  тәбрикләп, спорт  билән шуғуллинишқа чақирди.   Мәрасимда  йеза  сәнъәт  һәвәскарлири нахша-уссулардин  чачқа чачса,  спорт ишқивазлири  тәрипидин   тәйярланған  флешмобиға һәммә жор болди  .  Андин  Сарибәл йеза округидин  тәшкил қилинған  6 команда  футболл  мусабиқисиниң  дәсләпкисини   башлап  кәтти. Ғалип чиққан командилар   йеза   һакиминиң тәшәккүрнамиси  билән рәғбәтләндүрүлүп, маддий соғилар тапшулулди.

   Қисиқиси йезида бу күни чоң-кичикниң бешини  қошқан спорт мәйрими көңүлдикидәк  нишанланди.

                М.Тохтахунов.

 

Күнтізбе

« Тамыз 2018 »
Дс Сс Ср Бс Жм Сб Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

booked.net