Надир мәдәний ядикарлиқ

Жумһурийитимиз Пре­зиденти Нурсултан Назарбаев « Келәчәккә нишан- мәнивий йеңилиниш» намлиқ стра­тегиялик мақалисида праг­матизм тоғрилиқ гәп қилип, «Бу – өзәңниң миллий вә шәхсий байлиғиңни ениқ би­лиш вә уни нәтижидарлиқ билән пайдилинип, шуниңға мувапиқ келәчигиңни план­лаш...» дәп ейтқан еди. Әйнә шундақ елимизниң истиқбалини егиләштә алаһидә орунни егиләйдиған, миллий мәдәний ядикарлиқлиримизниң бири Веливай Йолдашев салдурған Яркәнт бәдиий бенакарлиқ сәнъәт мирасгаһи болуп һесаплиниду.

 

                Яркәнт шәһиридә 1887-жили май ейида башланғуч билим беридиған мәдрисә селиш қарар қилинип, униң қурулуш ишлирини жүргүзүшни тәдбирчан бай Ве­ливай Йолдашев өз һөддисигә алиду. Икки жил Кәтмән, Ақсу, Наринқол, Тяншань вә Жоңғар Алитағлиридин пух­та, узун қариғайлири таллап кәстүрүлүп, яғач тәйярлиниду. Мәдрисә мечит қурулуши 1892-жили пүтүп,пайдилинишқа бе­рилиду. Веливай мәдрисисидә Яркәнттинла әмәс, хошна Или вадиси билән башқа жирақ йәрләрдин кәлгән талипларму оқуған. Улар диний билим билән бир қатар математика,жуғрапия, тарих вә башқа пәнләр бойичиму саватини ачқан. 1892-жили чоң мечит мәдрисә бөлмилириниң (барлиғи 25 бөлмә) қурулуши аяқлишип, пайдилинишқа бери­лиду. Веливайниң һашамәтлик мәдрисиси әжайип маһарәт билән бәрпа қилинған. Чекилгән нәқишләр билән чирайлиқ пүтүлгән йезиқлар кимнила болса һәйран қалдуриду. Бир әсирдин ошуқ вақит мабайи­нида бир миқсиз тик туриду. Гүл кәби чирайлиқ ишләнгән нәччә миңлиған яғач данили­ри бир-биригә шу қәдәр чапрас кәлтүрүлгәнки, униң сирини шу заманниң устилири өзлири били­ши мүмкин. Мәзкүр мечит 1978-жилдин бу ян бенакарлиқ бәдиий сәнъәт мирасгаһиға айландурулған. На­дир мәдәний ядикарлиққа ели­миз Президенти Яркәнт тәвәсигә қилған сәпиридә қәдәм ташли­ди. Бүгүнки күндә тәвәгә келип кетиватқан миңлиған меһманлар мәзкүр мирасгаһни зиярәт қилмай кетәлмәйду.

                Елимиз Президентиниң стратегиялиқ мәзкүр мақалисида бу хилдики бебаһа миллий байлиғимизни сақлап, келәчәк әвладимизға қелишимизни нәзәрдә тутқан екән. Бу жавапкәрликниң һөддисидин шәрәп билән чиқиш үчүн наһийә рәһбәрлири уни диққәт нәзәридин сирт қалдурмайду.

Гөһәрбүви

ИСМАЙИЛЖАНОВА.

Күнтізбе

« Тамыз 2018 »
Дс Сс Ср Бс Жм Сб Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

booked.net