Айдарлар
Жетісудан 5-ші Дүниежүзілік Көшпенділер ойынына 2 спортшы қатысу жоспарлануда
- Толығырақ
- Жарияланды 05.08.2024 07:20
- Автор: Super User
- Категория: Спорт
- Қаралды: 156
2024-08-05
2024 жылдың 8-14 қыркүйек күндері аралығында Астана қаласында өтетін 5-ші Дүниежүзілік көшпенділер ойындарына Жетісу облысының тарапынан «Бірлік керуені» жобасының «Аймақтық керуен» бағыты бойынша қатысушылары іріктелді. 5-ші Дүниежүзілік Көшпенділер ойынына облысымыздан қазақ күресі спорт түрінен 2 спортшы қатысу жоспарлануда.
5-ші Дүниежүзілік көшпенділер ойындарының аясында облысымыздың аудан, қаларында ұлттық спорт түрлерінен әр түрлі 25-ке жуық спорттық іс-шаралар өткізілді.
Жетісу облысында қазіргі таңда 6 дене шынықтыру-сауықтыру кешені қолданыста
Осы жылға жергілікті бюджеттен 9 спорттық нысан құрылысына 3,7 млрд.теңге қаражат бөлінді. Оның ішінде Текелі қаласында дене шынықтыру-сауықтыру кешеннің және Қаратал ауданы Көпбірлік ауылында блокты-модульды спорттық кешеннің құрылыс жұмыстары аяқталып, қолданысқа берілді. Талдықорған қаласындағы орталық стадионның қайта жаңғырту жұмысының құрылыс-монтаждау жұмыстары аяқталды. Сондай-ақ, Талдықорған қаласында волейбол спорт түріне арналған оқу-жаттығу спорттық кешенінің құрылысы аяқталды. Ал жеке инвестор есебінен Талдықорған қаласында спортшыларға арналған 40 орынды жатахқана және Үстел теннис орталығының құрылысы қарқынды түрде жүргізілуде.
Бүгінде өңірдің спортшылары барлық деңгейлі жарыстардан бой көрсетіп жүр. Атап айтсақ, халықаралық, республикалық, облыстық жарыстардан 914 медаль жеңіп алды
Спортшыларға қолдау көрсету мақсатында жарыстарда жоғары нәтижелер көрсеткен үздік 214 спортшыға 55 мың теңгеден 443 мың теңгеге дейін ай сайын ақшалай жабдықталым төленуде.
2024 жылғы Париждегі ХХХ жазғы Олимпиада ойындарына садақ атудан облыс спортшылары Абдулин Ильфат, Еременко Александр, Жанбырбай Дәулеткелді, велоспорттан Евгений Федоров және дзюдодан Берліқаш Камила қатысуда.
