Айдарлар
Жаңарған шағын орталық қолданысқа берілді
- Толығырақ
- Жарияланды 05.01.2020 10:16
- Автор: Super User
- Категория: Өңір тынысы
- Қаралды: 1166
30.12.2019ж
Бүгін Ескелді ауданының Мелькомбинат елді мекенінде мектепке дейінгі шағын орталық қолданысқа берілді. Жаңа жылдың қарсаңында есігін бүлдіршіндерге ашып отырған орталыққа 5 ай көлемінде күрделі жөндеу жұмыстары жүргізілді.
Жөндеу жұмыстары «Ауыл – ел бесігі» бағдарламасының аясында жүзеге асты. Шағын орталықтың ашылу барысында аудан әкімінің орынбасары Е.Ахметов жиналған қауымды құттықтап, толымды табыстар тіледі.
Айта кетсек, шағын орталықтың ішкі бөлмелерінің қабырғасы, едені жаңарып, жаңадан есік-терезелер орнатылды. Сонымен қатар орталықтың маңына балалар ойнайтын алаң салынды.
Мұндай қуаныш Мелькомбинат елді мекенінің бүлдіршіндері мен ата-аналар үшін көптен күткен тосын сый болды.
Алдағы уақытта «Ауыл – ел бесігі» бағдарламасы арқылы әлі талай елді мекендердің ажары ашылып, көптеген ғимараттар бой көтерері анық.
