ПАНФИЛОВ АУДАНЫ

"Нұрлы жер" бағдарламасы жүзеге асуда

Елімізде тұрғын үйге деген сұраныс пен баспана жағдайын  жақсартуға ниет білдірушілер саны күн санап артуда. Осыған сәйкес, Мемлекет басшысы «Нұрлы жер» бірыңғай тұрғын үй құрылысы бағдарламасын әзірлеуге тапсырма берді. 2017-2031 жылдар аралығын қамтитын бағдарлама аясында алдағы 15 жылда 1,5 млн қазақстандық отбасы жаңа пәтердің кілтіне ие болады деп жоспарлануда. «Нұрлы жер» бағдарламасы бойынша жыл сайын тұрмысы төмен отбасылар үшін 3 мың пәтер салынады. Сондай-ақ, дәрігерлер, мұғалімдер мен мемлекеттік қызметкерлер аталған бағдарлама аясында пәтер алуға мүмкіндігі бар.

            «Панфилов ауданы құрылыс бөлімі» мемлекеттік мекемесінде «Нұрлы жер» тұрғын үй құрылысы бағдарламасы аясында келесідегідей жұмыстар атқарылуда: - Жаркент қаласындағы жеке тұрғын үйлер құрылысы үшін инженерлік – коммуникациялық желілерін салу» нысанының құрылыс – монтаж жұмыстары 2016 жылы басталып, 2018 жылы пайдалануға беріледі. Құрылысқа бөлінген жер көлемі –114 га; жер телімінің саны 183 жеке тұрғын үй және көп қабатты 38 үй (1640 пәтер). - Қорғас ауылындағы жеке тұрғын үйлер құрылысы үшін инженерлік – коммуникациялық желілерін салу» нысанының құрылыс – монтаж жұмыстары 2016 жылы басталып, 2017 жылы пайдалануға беріледі. Құрылысқа бөлінген жер көлемі –90 га; Участок саны 478 жеке тұрғын үйге. - «Жаркент қаласындағы 40 жалгерлік тұрғын үй құрылысы» нысанының құрылыс – монтаж жұмыстары 2017 жылы басталып, 2019 жылы пайдалануға беріледі. Нысанның техника – экономикалық көрсеткіштері: құрылысқа бөлінген жер көлемі –10,4 га; құрылыс салу ауданы –3 833,6 м2.