Айдарлар
«Жастар Рухы» жастар қанатының белсенділері аудан бойынша аумақтарды тазалауға шықты
- Толығырақ
- Жарияланды 26.09.2024 05:54
- Автор: Super User
- Категория: Өңір тынысы
- Қаралды: 77
2024-09-26
Президенттің «Таза Қазақстан» жалпыұлттық бастамасы аясында «AMANAT» партиясы әр апта сайын ұйымдастырылатын «Таза бейсенбі» экологиялық акциясын бастау алды. Бүгін партия мүшелерімен «Жастар Рухы» жастар қанатының белсенділері аудан бойынша аумақтарды тазалауға шықты.
«AMANAT» партиясының мүшелері өзен жағалаулары, өндірістік аймақтар және жол бойындағы аумақтарды тазалады. Бір күнде акцияға 400 адам қатысып, 1 қоқыс тасымалдайтын трактор және 2 қоқыс шығаратын ауыр техника жұмылдырылды.
«Мемлекет басшысы Қасым-Жомарт Тоқаев «Таза Қазақстан» жалпыұлттық науқанын бастай отырып, бұл бір реттік акция емес екенін ерекше атап өтті, әрбір үй, аула, тұрғын үй кешені, саябақ және басқа да нысандар назардан тыс қалмауға тиіс екенін атап өтті. «AMANAT» партиясының мүшелері аталған науқанға алғашқы күннен-ақ белсенді қатысты. Партияластар әр бейсенбі сайын осындай тазалық жұмысын жүргізуді жоспарлап отыр.
Табиғатты тазалау қарапайым дүниеден басталады деп ойлаймын. Мәселен, жас ұрпақты табиғатты тазалауға тәрбиелеу ұлттық негіздегі балабақшадан басталады. Табиғат пен қоршаған ортаны тазалаудың жолдарын ұғындыру, жалпы халықтың экологиялық сауатын ашу, жастарға үздіксіз білім беру нәтижесінде ғана шешіледі. Біз бәріміз де табиғатты таза ұстауда және оны дұрыс пайдалануда ұрпақ алдында, тарих алдында жауаптымыз.– деді «AMANAT» партиясы Панфилов аудандық филиалының төрағасы Ерлан Оспанбаев.
