Айдарлар
АЛМАЛЫ АУЫЛЫНДА АЭС БОЙЫНША ТҮСІНДІРМЕ ЖҰМЫСТАРЫ ЖҮРГІЗІЛДІ
- Толығырақ
- Жарияланды 26.09.2024 09:30
- Автор: Super User
- Категория: Өңір тынысы
- Қаралды: 70
2024-09-26
Аудандық халықтық штаб мүшелері Алмалы ауылының жергілікті тұрғындарымен кездесті. Бұл басқосуда Мемлекет басшысы Қасым-Жомарт Тоқаевтың халыққа арнаған жолдауына байланысты маңызды мәселелер талқыланды, олардың ішінде атом электр станциясының ұтымды тұстары мен маңызы ерекше назарға алынды.
Кездесуді ашқан Руслан Тулақбаев Мемлекет басшысы Қасым-Жомарт Тоқаевтың Қазақстан халқына арнаған Жолдауында көтерілген мәселелерге тоқталып, жиынның басты тақырыбы ретінде атом электр станциясының құрылысын атап өтті.
Руслан Тулақбаев: Қазіргі уақытта салынатын атом электр станцияларының технологияларының мүлдем өзгеше екенін атап өтті. Қазақстанның энергетикалық секторы көмір электр станцияларына аса тәуелді екенін атап өтіп, бұл тәсілмен ұзақ мерзімде энергия қуатын өндіру мүмкін емес екенін түсіндірді. Себебі, жұмыс істеп тұрған станциялардың тозу деңгейі жоғары, ал халық санының өсуі мен энергия тұтыну көрсеткішінің қарқынды артуы жағдайды қиындатып отыр. «Экономикасы дамыған елдермен тең дәрежеде болу үшін, бірінші кезекте электр қуатын шешіп алуымыз керек. Электр энергия – экономиканың локомотиві», - деп атап өтті.
Кездесу барысында ауыл тұрғындары АЭС-тың еліміздің энергетикалық қауіпсіздігін қамтамасыз ету үшін қажетті екенін түсініп, бұл бастаманы қолдауға дайын екендіктерін көрсетті.
