КӘСІПКЕРЛІКТІ ҚОЛДАУ ШАРАЛАРЫ ЖҮЗЕГЕ АСЫП ЖАТЫР
- Толығырақ
- Жарияланды 30.05.2024 07:00
- Автор: Super User
- Категория: Адам және қоғам
- Қаралды: 161
2024-05-30
Бүгінгі таңда Жетісу өңірінде шағын және орта кәсіпкерлік субъектілері қарқынды өсіп жатыр. Себебі, бизнеске бағытталған қолдау шаралары жетерлік.
Осы орайда, өңірлік партия филиалының төрағасы Арыстанғали Қадырұлы Жетісу облыстық кәсіпкерлер палатасының директоры Дәурен Барлықбекұлымен Көксу ауданы және Текелі қаласында Кәсіпкерлікті қолдау шаралары бойынша көшпелі қоғамдық қабылдау өткізді.
Өтініш арқалап келген азаматтардың мәселелері өзекті. Ал азаматтардың мүдделерін ілгерілету – партияның ең маңызды міндеттерінің бірі.
Қоғамдық қабылдауға келген Текелі қаласының тұрғыны Тілеуханұлы Нұрқанат қазіргі кезде ең ауқымды «Aуыл аманаты» жобасы аясында кәсіп дөңгелеткісі келетінін жеткізді. Ол 2,5%-бен берілетін несие қарапайым азаматтарға өте тиімді екенін тілге тиек етіп, асыл тұқымды малдарды алу шарттарына өзгерістер енгізілсе деген өтінішін білдірді. Келген азаматтардың басым бөлігі «Aуыл аманаты» жобасына қызығушылық танытуда.
Сонымен қатар, қабылдау барысында тұрғындар тарапынан қайтарымсыз грант, кәсіппен айналысатын көп балалы аналардың салық төлеу мәселесі, «Бизнес бастау» жобасы бойынша құжаттарды рәсімдеудің жолдары мен Қандастардың несие мен құжат жинауда туындайтын қиындықтары туралы сауалдар көтерілді.
- «Ауыл халқы үшін жеке кәсіп ашу мәселесі әлі де өзекті. Халық әлі күнге дейін қаржылық сауаттылық, мемлекеттік бағдарламалар мен кәсіпкерлік саласының ұтымды тұстарын жіті білмейді. Біз сол себепті облыстық кәсіпкерлер палатасымен бірлесіп аталмыш шараны ұйымдастырдық» - дейді өз сөзінде «AMANAT» партиясы Жетісу облыстық филиалының төрағасы Арын Арыстанғали.
Жетісу облыстық кәсіпкерлер палатасының директоры Дәурен Барлықбекұлы азаматтардың арыз-өтініштерін толығымен тыңдап, сауалдарына жауап беріп, түсіндірме жұмысын жүргізді. Сондай-ақ, қабылдау барысында көтерілген мәселелер бойынша барлық ақпарат кеңес отырыстарында қаралып, тиісті мемлекеттік органдарға ұсынылатын болады.