Айдарлар
Қарызсыз қоғам жобасы аясында 6600жетісулық білім алды
- Толығырақ
- Жарияланды 14.10.2024 11:05
- Автор: Super User
- Категория: Адам және қоғам
- Қаралды: 63
2024-10-14
Осы жоба арқылы алған білім қаржылық шешімдерді қабылдауға және берешек деңгейін төмендетуге көмектеседі.
Осы орайда ҚР Президенті жанындағы Мемлекеттік басқару Академиясының Жетісу облысы бойынша филиалының қызметкерлері біліктіліктерін арттыру мақсатында жоба сарапшыларынан арнайы дәріс алды.
«Есеп-қисапқа аса мән бермегеннен, кейде қолда бар ақшаны дұрыс жоспарлап жұмсамаймыз. Несие алар кезде неге мән беру керек, оның пайыздарын есептеу жолы, келісімшартта мән беретін тұстар жайлы дәріс барысында үйрендік. Қаржылық сауатымызды арттырып, дұрыс жоспарлауды сараладық деп ойлаймын. Бұл жобаның халыққа берері көп», - дейді ол жоба қатысушысы Мақпал Амангелдиева.
Жетісу облысы бойынша жоба жетекшісі @zama_slambekova және қаржы сарапшылары қатысушылармен бірнеше әдіс бойынша жұмыс жасайды.
Аталған жоба облыс орталығында ғана емес, аудандарда да қолға алынған. Мақсат – борышкерлердің санын азайту мен халықтың қарыздық жүктемесін жеңілдету. Оқу курстарын қаржылық сауаттылық жөніндегі сарапшы жүргізеді. “Қарызсыз қоғам” жобасы желтоқсан айына дейін жалғасады.
Жоба басталғаннан бері қазіргі уақытқа дейін қаржылық сауат бойынша 6600 Жетісулық оқытудан өтіп, оларға арнайы сертификаттар табысталды.
Атап айтсақ:
✅Ақсу ауданы - 387
✅ Алакөл ауданы - 473
✅Ескелді ауданы - 507
✅Көксу ауданы – 339
✅Кербұлақ ауданы - 376
✅Қаратал ауданы - 414
✅Панфилов ауданы – 1616
✅Сарқан ауданы - 426
✅Талдықорған қаласы - 1582
✅Текелі қаласы – 479
